【大肚呢10個月真係人生中最女王嘅10個月👑】
你最唔鍾意早起身(應該話未瞓夠你係有90%機會發老脾/黑面)，所以以前基本上我朝早有咩做要出門你都只係會喺張床到同我byebye。但自從有左之後，無論係晨咁早嘅產檢定係去掃bb野要早d出門，只要係早過你番工嘅你都會主動要車我去，即使阿媽話可以同我搭的士。對於你呢個咁懶瞓嘅人黎講，我知道做到咁已經好唔容易❤️
每晚臨瞓前你都會幫我揸妊娠紋膏，有時大家都會唔記得要揸。到已經熄哂燈cum好被先醒起，你幾眼瞓都會起番身幫我揸埋先瞓，仲要揸完被我嫌棄d藥膏臭唔俾你隻手接近我塊面(我都唔想但真係好臭)，但你都一臉樂意。
仲有好多細微嘅野，好似你番工之前無論幾趕都會錫完我錫完羊羊即係個肚先出門；放工番黎會話好掛住我(唔理真定假但聽到都會開心哈哈)；幫我沖完大肚奶粉如果我飲唔哂會幫我執手尾；出街去到多人嘅地方會用手護住我個肚；幫我剪指甲著襪著鞋綁鞋帶；拎重野唔洗講，因為就黎連手袋都同我爭住拎；去到邊都會拖實我驚我仆街等等。唔係話大左肚先對我咁好，只係明顯比以前更加好，如果生完之後都係咁就好啦☺️
PS雖然話可以喺屋企做女王，日日大安旨意hea住過，但生理上不斷有變化要適應所以都唔係講得咁輕鬆哈哈！#羊羊的成長日記
💟20170220
Search